16 май куни соат 11.55да Тошкентнинг Юнусобод туманида жойлашган Ботаника боғининг орқа томонида, очиқ майдонда қуриган хас-хашак ва буталган шох-шаббаларда ёнғин содир бўлган, дея хабар қилди Фавқулодда вазиятлар вазирлиги матбуот хизмати.
«Ҳодиса юзасидан Тошкент шаҳар Фавқулодда вазиятлар бошқармаси ёнғин-қутқарув гуруҳи воқеа жойига етиб борган. Қутқарувчиларнинг саъй-ҳаракатлари натижасида ёнғин ўз вақтида ўраб олиниб, боғ ҳудудига ўтишининг олди олинди», — дейилади хабарда.
Ёнғиндан жабрланганлар йўқ. Боғнинг ўрмон фондига зарар етмаган.

kun.uz сайтида Тошкент Ботаника боғи ҳақида қисқача маълумот ва бир нечта фотосуратлар тақдим этилди.
Маълумот учун, Тошкент Ботаника боғи – Марказий Осиёдаги энг йирик боғ. 58 гектарлик боғ 1950 йилда ташкил этилган. Боғнинг коллекция ҳисобида 6 мингга яқин ўсимликлар бор.
Аввалроқ Тошкент шаҳар ҳокимлиги пойтахтдаги ўндан ортиқ боғ ва хиёбонлар қаторида Ботаника боғи ҳам реконструкция қилинишини маълум қилганди. Kun.uz ҳокимлик таклиф этаётган реконструкция лойиҳасини эълон қилганди.

Фото: Тошкент шаҳар ҳокимлиги ахборот хизмати

Фото: Тошкент шаҳар ҳокимлиги ахборот хизмати

Фото: Тошкент шаҳар ҳокимлиги ахборот хизмати

