2025-yil 16–18-oktabr kunlari Qoraqalpog‘iston Respublikasining Nukus shahrida joylashgan Qoraqalpoq tabiiy fanlar ilmiy tadqiqot institutida muhim xalqaro ilmiy tadbir — “Yevrosiyo bioxilma-xilligini saqlash: zamonaviy muammolar, yechimlar va istiqbollar” mavzusidagi III Xalqaro konferensiya bo‘lib o‘tdi.
Mazkur konferensiya Andijon davlat universiteti (O‘zbekiston), Ege universiteti (Turkiya) va Boku davlat universiteti (Ozarbayjon) bilan hamkorlikda tashkil etildi. Tadbir bioxilma-xillikni saqlash, noyob turlarni muhofaza qilish va ekologik monitoring sohasidagi dolzarb masalalarni muhokama qilishga bag‘ishlandi.
Konferensiyada O‘zbekiston Respublikasi Fanlar akademiyasi Botanika instituti olimlari ham faol ishtirok etdilar. Delegatsiya tarkibida ishtirok etgan olimlar ustuvor yo‘nalishlarda taqdimotlar qilishdi va ilmiy almashinuvda qatnashishdi.





Ushbu xalqaro konferensiyadagi ishtirok Botanika instituti ilmiy salohiyatini keng namoyon etdi, institutning xalqaro ilmiy maydondagi nufuzi, hamkorlik doirasi va dolzarb ekologik masalalardagi faolligini yana bir bor tasdiqladi.

Ommaviy axborot vositalari, yosh tadqiqotchilar va hamkor tashkilotlar uchun bu tadbir ko‘p tomonlama ilmiy almashinuv, yangi tadqiqot tashabbuslari va akademik hamkorliklar uchun mustahkam zamin bo‘ldi.


